Qırımtatar juanlistikası kününe

10 Aprel 2023

140 sene evel Bağçasarayda 1883 senesi çiçek ayınıñ 10-unda “Terciman” qırımtatar gazetasınıñ ilk nomerası çıqtı. 

Kerçekten de Rusiye imperiyasınıñ bütün türk tillerinde laf etken ealisiniñ basılğan organı olğan “Terciman”nıñ başlayıcısı ve naşiri, belii qırımtatar maarifçisi, yazıcısı, jurnalisti İsmail Gasprinskiy

Öz rağbetliginiñ töpesinde “Terciman”nıñ cemisi 16 biñ nusha edi. Rusiye imperiyasınıñ topraqlarından ğayrı, Osman imperiyasınıñ bütün topraqlarında ve Yaqın Şarqta “Terciman” tarqatıldı.

1918 senesi kiçik aynıñ 23-ünde bilşovikler Qırımnı işğal etkende ve “Terciman” gazetasını basmağa yasaq etkende “Terciman”nıñ soñ nomerası çıqtı..

2011 sensi Bağçasarayda İsmail Gasprinskiyniñ müzeyiniñ yerleşkeni “Terciman”nıñ neşriyat binasında Qırımtatar Milliy Meclisiniñ teşebbüsinen keçirilgen qırımtatar jurnalistleri ve qırımtatar KHVnıñ naşirleri/saipleri konferentsiyasında Qırımtatar jurnalistikası kününi ilân etmek ve er sene “Terciman” qırımtatar gazetasınıñ ilk nomerasınıñ basılğanı kün – çiçek ayınıñ 10-ında qayd etmek qararı tasıqlandı.

…Ve bugün biz, rus-ukrain cenki şartlarında öz ihtisasiy borcunı yapmağa devam etken qırımtatar jurnalistleriniñ işinen ğururlanamız

Qırımnıñ rus işğali şartlarında öz menfaatlarını deñiştirmegen ve ihtisasiy jurnalistikanıñ ananelerini riayet etken Qırımdaki içtimaiy jurnalistlerge bizim mahsus selâmlavlarımız ve destegimiz

Qırımtatar Milliy Meclisi ve men şahsen bütün jurnalistlerni Qırımtatar jurnalistikası kününen hayırlayım!

Refat Çubarov,

Qırımtatar Milliy Meclisiniñ Başı

Kıyiv ş., 2023 senesi çiçek ayınıñ 10-u