Siyasiy mabüs Amet Suleymanovnı ev tevqifinden izolâtorğa ketirdiler

06 Aprel 2023

Qırımtatar siyasiy mabüsi Amet Suleymanovnıñ ayatı telüke astında buluna. Rus işğalcileri onı tevqif ettiler ve qalp hastalığına baqmadan izolâtorğa ketirdiler.

İçtimaiy jurnalist, uquq qorçalayıcı Mumniye Salieva bu aqqında haber berdi.

2020 senesi saban ayından berli Suleymanov, sağlıq alı sebebinden ev tevqifi astında edi. Onıñ qalbiniñ arteriya ve mitral kemligi bar ve qalp klapanını deñiştirüv nevbeteinde tura.

⁃ Kiçik aynıñ başında rus şikâyet makemesi, Cenübiy bölge makemesiniñ Suleymanovğa – «Hizb ut-Tahrir» halqara teşkilâtına sanki ait olğanı içün şiddetli rejimli müstemlekede 12 senelik ükümini tanıdı, – dep bildirildi.

Çiçek ayınıñ 5-inde aqşam maalinde penitatsiar hızmetiniñ işçileri qırımtatarnı almağa kettiler. İşğalcilerniñ bu tür areketleri böylece añlatıldı: ükümni tanığan bir vesiqa aldılar – Amet Suleymanovğa üküm küçüni aldı.

Üç senedir Suleymanov, sağlıq alı sebebinden, ev tevqifi astında edi.
Makeme ceryanı vaqtında qorçalayıcı taraf tasdıqlamağa tırışa edi ki, Suleymanovğa qarşı bu tür tedbir keçirmek olmaz.

Ekim ayınıñ 29-ında Rostov-na-Donudaki Cenübiy bölge arbiy makemesi, Qırımnıñ sakinlerine – Bağçasaray «Hizb ut-Tahrir davası»nıñ iştirakçilerine üküm çıqardı. Makeme, «akimiyetni mecburen almaq ıntıluvı» ve «terror teşkilâtta iştirak etüv» sebeplerinden olarnı qabaatlı olaraq tanıdı ve davanıñ iştirakçilerini şiddetli rejimli müstemlekege tevqif etmege maküm etti.

Advokat Edem Semedlâevniñ bilgilerine köre, Seytumer Seitumerov şiddetli rejimli müstemlekede 17 senege, Osman Seitumerov 14 senege, Amet Suleymanov ise 12 senege, Rustem Seitdametov – 13 senege maküm etildiler. Advokatnıñ bildirgenine köre, er bir maküm etilgen adam birinciden 3 sene ve 6 ay apishanede keçirmeli.