Çıqarılmalılar – Taşeva, Qırımdaki ruslar aqqında

04 Aprel 2023

Keçken sene yaz mevsimindeki yarımadada ilk patlamalardan soñ rf vatandaşları, işğal etilgen Qırımdan ketmeli ediler. Ukraina Prezidentiniñ Qırım Muhtar Cumhuriyetindeki daimiy vekili Tamila Taşeva böylece tüşüne, dep Radio Svoboda haber berdi. Bundan ğayrı o bildirdi ki, rusiye vatandaşları, kolonizatsiya cenk cinayetiniñ iştirakçileri olalar, bunıñ içün de yarımadadan çıqmalılar.

– Eger olar ketmeseler, mecburen çıqarılmalılar. Bu, ukrain qanunlarında ve başqa er bir devletniñ qanunlarında qayd etildi. Eger insan devlet sıñırını qanunsız olaraq keçse, demek ki, o çıqarılmalı. Bizim bir qaç sıñır noqtalarımız bar edi (Qalançaq, Çonğar ve Çaplınka) ve bütün bu vatandaşlar – eñ az 500-800 biñ insan – sıñır noqtaları vastasınen kelmediler ve böylece Keriç köprü vastasınen keri qaytalar.  Eger bunı yapmasalar, mecburen çıqarılmalı olırlar, – dep Taşeva qayd etti.

Aynı zamanda onıñ sözlerine köre, 2014 senesi kiçik aydan soñ Qırımnıñ topraqlarında rusiye vatandaşlarınıñ alğanı taşınmaz mülk meselesi diqqatnen muzakere etilmeli. Eger mezkür mülk Ukraina vatandaşından alınsa edi, bu bir iştir. Faqat bu göñülli añlaşma olsa edi, başqa bir şeydir.

İşğal vaqtı boyunca Qırımğa tahminen 800 biñ rus köçti.