İşğalciler, qırımtatar Tayir Seidametovnı alıp TFHniñ binasında tutalar

20 Mart 2023

Saban ayınıñ 17-sinde aqşam maalinde Rusiyeniñ işğal etkeni Qırımda Aqmescit astında grajdanlar olaraq kiyingen insanlar 29 yaşındaki qırımtatar Tayir Seidametovnı maşnağa mindirip, belli olmağan yönelişke ketirdiler. Cumaertesi künü aqrabalarına haber berdiler ki, o, Aqmescitteki TFHiñ idare binasında buluna.

Öz Facebook saifesinde içtimaiy jurnalist ve faalci Elmaz Akimova bu aqqında haber berdi.

Onıñ sözlerine köre, Cuma künü saban ayınıñ 17-sinde Seidametov Aqmescit rayonındaki Ukromnoe köyünde aqrabalarını ziyaret ete edi. Tahminen saat 17:20`de qardaşınen ev yanındaki soqaqqa çıqqanda yanında beyaz “GAZel” maşması toqtadı, ondan tahminen grjdan olaraq kiyingen 7 insan çıqtı. Olar vesiqalar köstermeyip, Seidametovnı maşnağa mindirdiler ve belli olmağan yönelişke ketirdiler.

Aynı kün gece maalinde ana-babasına qısqa telefon ettiler: olarnıñ oğlu haber berdi ki, saban ayınıñ 18-inde evinde olacaq. Amma evine qaytmadı.

Tayir Seidametov tutulğanı sebebinden aqrabalar,ı politsiya nevbeçi qısmına ve TFHne ariza berdiler.

Yaqınları, tamam Tayir Seidametovnıñ ne sebebinden tutulğanı ve onıñ ceryan statusınıñ ne olğanını şu anda bilmeyler.