Qırımda qırımtatarlarnıñ yaşağanları yerlerde ruslar “ealini cedvelge alalar” – uquq qorçalayıcılar

20 Mart 2023

İşğal etilgen Qırımda kelecekte er keske mobilizatsiya şeadetnamesini bermek içün ruslar, qırımtatarlarnıñ yaşağanları kompaktlı yerlerde ealini cedvelge alalar.

İçtimaiy radionıñ canlı yayınında Qırım uquq qorçlayıcı gruppasınıñ araştırıcısı İrına Sedova bu aqqında haber berdi.

– Ruslar kettiler, qırımtatarlarnıñ yaşağanları Aqmescit rayonındaki kompaktlı yerlerde “ealini cedvelge aladılar”. Olar, insanlarnıñ şahsiy bilgilerini topladılar. Mobilizatsiya şeadetnamesini bermek, içün qayda, qaysı adreste  yaşağanlarını ögreneler. Bu insanlarnıñ cenkleşmege ketmeleri içün olarnı mecbur eteler, – dep Sedova ayttı.