BMTnıñ insan aqları nezaret missiyasınıñ vekillerinen körüşüv

16 Mart 2023

2023 senesi saban ayınıñ 15-inde Qırımtatar Milliy Meclisinde Ukrainadaki BMTnıñ nezaret missiyasınıñ başı Noel Kalhun hanum ve Missiyanıñ işçileri Diarmud Kunniff bey, Mariya Bilak hanum ve Vitaliy Hilk bey ile körüşüv keçirildi.

Musafirler ile semereli subet vaqtında Qırımtatar Milliy Meclisiniñ Başı Refat Çubarov, Meclisniñ Başınıñ muavini, Ukraina halq mebusı Ahtem Çiygöz, Qırımtatar Milliy Meclisiniñ azaları Riza Şevkiiev ve Eskender Bariiev, Ukrainadaki BMTnıñ insan aqları nezaret missiyalarınıñ muntazam esabatlarında kösterilgen farqlı meselelerni muzakere ettiler. Bundan ğayrı, körüşüv vaqtında insan aqlarını riayet etüv ve tamır qırımtatar halqınıñ kollektiv aqlarınıñ vaziyet meseleleri tafsilâtlıca muzakere etildi.

Qırımnıñ ve rusiye tarafından işğal etilgen başqa ukrain topraqlarınıñ eñ yaqın kelecekte azat etilmesi fırsatlarını yüksek derecede qıymetlendirerek, Qırımtatar Milliy Meclisiniñ azaları Nezaret missiyasına rusiye tarafından vaqtında işğal etilgen Ukrainanıñ topraqlarını azat etüv ve olarnıñ reinetgratsiyası basamaqlarında insan aqlarını riayet etüv meseleleriniñ uquqiy vaziyetine ayrıca diqqat etmek istegini bildirdi.

Körüşüvniñ iştirakçileri, Qırımtatar Milliy Meclisiniñ Ukrainadaki BMTnıñ insan aqları nezaret missiyasınen 2014 senesi saban ayında başlağan işdeşliginiñ müimligini qayd ettiler.