Qırımda İsmet Cemilev defin etildi

15 Mart 2023

2023 senesi saban ayınıñ 13-ünde ağır ve devamlı hastalıq sebebinden 55 yaşındaki İsmet Cemilev vefat etti.

İsmet Cemilevniñ eki balası bar edi – oğlu Serdar ve qızı Safie. Yunan-roma küreşi ustası, çoq sene devamında Aqmescit rayonındaki Kün Tuvğan köyünde orta mektepte beden tasili ocası olıp çalıştı.

– Qırımtatar Milliy Meclisi ve özüm İsmetniñ ana-babasına – qırımtatar milliy areketiniñ veteranları Cemilev Anaf ağa ve Dilâra hanum, apayı Niyara, oğlu Serdar ve qızı Safiege yeri toldurılmaz ğayıp sebebinden açıq göñülden taziye etem, – Meclisniñ başı Refat Çubarov yazdı.

Ağasınıñ oğlu İsmetniñ ölümi sebebinden qırımtatar halqınıñ lideri Mustafa ağa Cemilevge taziye bildiremiz.

Saban ayınıñ 15-inde Aqmescit rayonındaki Kün Tuvğan köyünde cenaze keçirildi.

Allah rahmet eylesin