Tintüvden soñ işğalciler Ahtem İsmailovnı tuttılar

13 Mart 2023

Vaqtınca işğal etilgen Qırımda tintüvlerden soñ rus işğalcileri, qırımtatar Ahtem İsmailovnı tuttılar. 

“Qırım birdemligi” bunı añlattı.

İsmailov, yarımadanıñ Aqmescit rayonındaki Pervomayskoye (Biy Tanış) köyünde yaşay.

Saban ayınıñ 11-inde saba maalinde beyaz maşna onıñ evine keldi. Ondan işratesiz insanlarn çıqtılar. Öz közlerinen körgen adamlarnıñ sözlerine köre, rus quvetçileri İsmailovnıñ ana-babalarına qarşı zorbalıq qullandılar.

– Bu insanlar em babası, em de anasını çetke itep yiberdi, ekisi de tüşti. Babası ayağına turıp ayttı ki, bu evde yazılğandır, pasport kösterdi. Bu pasportnı aldılar ve evine yiberdiler. Çetke itep yibergenleri anası ise arqasına tüşti. Aqrabaları onı alıp skemlege oturttılar, bundan soñ oña acele yardımda çalışqan tibbiyetçiler keldiler. Onıñ şeker diabeti bar, bundan ğayrı, insult çekti, – dep tintüvni öz közlerinen körgen kişiler uquq qorçalayıcılarğa añlattılar.

Uquq qorçalayıcılar qayd eteler ki, bu sene kiçik aynıñ soñunda Bağçasarayda demir yol patlağanı sebebinden tintüv keçirildi.

– Kiçik aynıñ soñundan berli bu vaqia sebebinden TFHnıñ işçileri bir qaç evni tinttiler, – dep aytalar.

Uquq qorçalayıcılar İsmailovğa endi kettiler.