İşğalciler qırımtatarnı ve apayını tutıp, olar demiryolnı patladılar dep qabaatlaylar

07 Mart 2023

Saban ayınıñ 6-sında aqşam maalinde vaqtınca işğal etilgen Qırımda rf TFHniñ işçileri, 37 yaşındaki qırımtatar Edem Murtazaevniñ evine kirdiler. Ayapınen beraber zonen maşnağa mindirip, belli olmağan yerge ketirdiler.

Facebookta Meclisniñ başı Refat Çubarov bu aqqında haber berdi.

Çubarovnıñ sözlerine köre, işğalcilerniñ qanunsız areketleri video nezaret kamerasınen qayd etildi. Tamam bu, ne olğanını ögrenmege imkân berdi.

Edem Murtazaevğa rf CQniñ 281. maddesiniñ 1. qısmı (“Diversiya faaliyetine yardım etüv”) içün qabaatlaylar. O, Bağçasaray rayonında (Poçtovoe köyü yanında) “Aqmescit” stantsiyasından 12 kilmetrlik uzaqlıqta yerleşken demiryolnıñ qısmını patladı ve bozdı, dep aytalar.

Adamnıñ evi tintilgen soñ onı Aqmescitke ketirdiler, dep Facebookta “Qırım birdemligi” içtimaiy birleşmesi haber berdi.

– Edem Murtazaevniñ epilepsiya hastalığı bar. Sağlıq meseleleri sebebinden olarnıñ ailesiniñ başqa azalarından muntazam kontrolğa ive destekke htiyacı bar, – dep faalciler qoştılar.