USQ Qırımnıñ memuriy sıñırında olacaq vaqıt insanlar olarnı destek etecekler – Bariiev

06 Mart 2023

Şu anda Qırımda insanlarnıñ üç kategoriyası bar: ruslar, işğal rejminen işdeşlik yapqanlar ve ukrain taraflı añlı vatandaşlar.

“Biz-Ukraina”nıñ canlı yayınında Meclisniñ azası, Qırımtatar Maaliy Mezkeriziniñ İdaresiniñ Başı Eskender Bariiev bu aqqında haber berdi.

– Yarımadada insanlarnıñ üç kategoriyası bar. Birinci kategoriya – yarımadada muntazam yaşamaq içün Qırımnıñ topraqlarına qanunsız olaraq ketken rusiye vatandaşlarıdır. Olar büyük bir telâş çekeler, dep alâ daa aytamam. Faqat köstergiçler mevcuttır. Bazı bilgilerge köre, askerler ailelerini rfnıñ topraqlarına yollaylar, taşınmaz mallarğa talap azlaştı, qurucılıq biznesi toqtadı. Olar qurucılıqqa para qoymağa qorqalar, – dep canlı yayında Bariiev añlattı.

Şu anda Qırım yarımadasında bulunğan insanlarnıñ ekinci kategoriyası – yarımadanı pek yahşı bilgen ve rusiyeni destek etken duşmannen işdeşlik yapqan kişilerdir. Üçünci kategoriya ise – añlı ukrainalılardır. Faqat şu anda olarnıñ areketleri “bizarçıq sıñırlanğan”dır.

– Er vaqıt Qırımda vatandaş narazılıq areketi mevcut edi. Başqa bir mesele – onıñ ne qadar faal olıp-olmağanı. Men eminim ki, USQ Herson vilâyetiniñ memuriy sıñırında Perekopta olacaq vaqıt vatandaş areketi pek faal olacaq. Kerek olsa, USQni destek etmek içün, insanlar soqaqlarğa çıqarlar, – dep Meclisniñ azası qayd etti.