BMTnıñ azaplarğa qarşı eyyeti, siyasiy mabüs Amet Suleymanovnıñ şikâyetine cevap berdi

28 Fevral 2023

BMTnıñ azaplarğa qarşı eyyeti (CAT), qırımtatar siyasiy mabüsi Amet Suleymanovnıñ şikâyetine cevap berdi. Oña çıqarılğan ceza, sağlığına uyğun olmay. 

“QırımSOS” uquq qorçalayıcı teşkilâtınıñ idaresiniñ başı Oleksiy Tilnenko bu aqqına haber berdi.

– CATta Amet Suleymanovnıñ vekili olğan advokat Serhiy Zayets QırımSOSqa haber berdi ki, öz ara qararınen Eyyet rusiyege kelecek qarar berilgence ceza bermemek tapabınen hitap etti. Bundan ğayrı, CAT kompleksli tibbiy teşkerüv keçirmege ve kerekli tedaviylev bermege talap ete, – dep Tilnenko haber berdi.

O qayd etti ki, eyyetniñ bu qararı, maznunnıñ ayatınnı saqlamağa imkân bere, amma yazıq ki, bes-belli qanunsız ükümnıñ yerine ketirilmesini çıqarmay.

Onıñ sözlerine köre, ciddiy qalp hastalıqları ve rus ceza sistemasında kerekli tibbiy yardım olmağanı sebebinden Suleymanovğa çıqarılğan üküm, yavaş bir ölümge bir ükümdir. Cinaiy taqipten evel oña ameliyat keçirmek kerekligi bildirildi, amma bir qaç senedir dava ceryanı sebebinden keçirilmedi.

2021 senesi ekim ayınıñ 29-ında Rostov-na-Donudaki Cenübiy bölge arbiy makemesi, içtimaiy jurnalist Amet Suleymanovğa üküm çıqardı. rf TFHniñ versiyasına köre, “Hizb ut-Tahrir” islâm teşkilâtında sakni iştirak etmesi sebebinden rf CQniñ 205.5. maddesi (terrorcılıq teşkilâtınıñ faaliyetinde iştirak) içün o, 12 senege maküm etildi. Advokat Lila Gemeci ükümni “öldürici” olaraq tanıdı, çünki Amet Suleymanovnıñ sağlığınen ciddiy meseleleri bar, oña qalp klaponını deñiştirmege teklif etile.