Qırımda işğal makemesi, atıp taşlanğan Nabi Rahimovnıñ davasını bitirdi

22 Fevral 2023

Cenübiy bölge arbiy makemesi, vaqtınca işğal etilgen Qırımda tintüv vaqtında öldirülgen Özbekistan vatandaşı Nabi Rahimovnıñ cinaiy davasını bitirdi. Sebebi – maznunnıñ ölümidir. Siyasiy qaçaq, RF CQniñ sekiz maddesine mücibi qabaatlandı.

TFH, ölgen adamnı terrorclıq faaliyetini teşkil etkeni, uquq qorçalayıcı organlarnıñ işçisini öldürmege ıntılğanı ve bir qaç vaqia içün qabaatlandırdı. Bütün bu vaqıt boyunca, yani deyerli eki sene, maznunnıñ bedeni morgda buluna edi.

“Qırım birdemligi” bu aqqında haber berdi.

Rus taqiqatçılığı bildirdi ki, tutuv vaqtında Rahimov qarşılıq kösterdi ve ateş açtı, bunıñ içün onı “yoq ettiler”.

Oturış vaqtında TFHniñ reberiniñ muaviniñ mektübini oqudılar. Anda yazıldı ki, “Osmanov” şaat, rus prezidentiniñ mobilizatsiya aqqında emri sebebinden Ukrainağa qarşı cenkte buluna. Prokuror, evelden taqiqat basamağında bergeni bu şaatnıñ sözlerini bildirmege rica etti.

Mayıs ayınıñ 11-inde Aqmescit şeerinde rus quvetçileri, Özbekistan vatandaşı Nabi (Ayüp) Rahimovnı tutqanda attılar. Olar, adamnıñ rus uquq qorçalayıcı organlarınıñ işçilerine qarşılıq köstergenini bildirdiler.

Apayı Sohiba Burhanova Qırımda çıqarıldı. Keçenlerde kibi o, 2021 senesi mayıs ayınıñ 13-ünden berli Krasnodar kraydaki ecnebiy vatandaşlar içün vaqtınca tutuv merkezinde buluna.