Taras Kremennen körüşüv

20 Fevral 2023

2023 senesi kiçik aynıñ 16-sında Qırımtatar Milliy Meclisiniñ ofisinde Qırımtatar Milliy Meclisiniñ Başı Refat ÇUBAROVnıñ Devlet tilini qorçalav vekili Taras KREMENnen körüşüvi keçirildi.

Bundan ğayrı, körüşüvde Qırımtatar Milliy Meclisiniñ Başınıñ muavini, Ukraina halq mebusı Ahtem ÇİYGÖZ, Meclisniñ azası, Qırımtatar maaliy merkeziniñ reberi Eskender BARİİEV, Meclisniñ azası, «QIRIM» Fondu» hayriye teşkilâtınıñ baş müdiri Riza ŞEVKİİEV iştirak ettiler.

Devlet tilini qorçalav vekiliniñ tarafından Vekilniñ Kâtibiyetiniñ reberi Yuriy ZUBKO da iştirak etti.

Körüşüvniñ esas mevzusı – «Mektep tasili ve tamır halqları» – iştirakçiler tarafından evelden tesbit etilgen olsa da, devamlı ve meraqlı subet vaqtında şu cümleden, 2022 – 2032 seneleri içün Qırımtatar tiliniñ inkişaf strategiyasını yerine ketirüvnen bağlı başqa meseleler muzakere etildi.

Körüşüvniñ iştirakçileri, mektep tasilinde Ukraina tamır halqlarınıñ medeniyeti, tili, tarihını ögrenmek kerekligini qayd etip, bu mevzularnı mektep programmasında aydınlatmaq kerekligini bildirdiler.

Körüşüvniñ iştirakçileri, Qırımtatar Milliy Meclisini ñ ve Devlet tilini qorçalav vekiliniñ Ukraina devlet tilini qorçalav ve qullanuv, rus-ukrain cenki ve Qırımnıñ vaqtınca işğali şartlarında qırımtatar tiliniñ inkişafı saalarında işdeşliginiñ müimligini bildirdiler.

Buña köre taraflar, orta körüşüvler ve mesleatlar muntazam tarzda keçirmek niyetini bildirdiler.