Rus varvarları, soviet cinayetleriniñ qurbanlarına bağışlanğan abideni ateş ettiler

17 Fevral 2023

Qırımtatar Milliy Meclisiniñ azası, Meclisniñ Herson vilâyetiniñ meseleleri vekili Abmecit Suleymanovnıñ bildirgenine köre, bir qaç kün evel rus varvarları Herson şeerine top ateşini açqan vaqıt “Yuvileynıy” filmkontsert zalına urğan toplarnıñ parçalarınen qırımtatar halqınıñ genotsidiniñ qurbanlarına bağışlanğan memorial işareti viran etildi. 2015 senesi şeerniñ cemaatınıñ qurğanı Qırımtatar haqlınıñ genotsidiniñ qurbanlarını añma alleyasında 2019 senesi mayıs ayınıñ 18-inde qoyuldı.

– Herson şeer meclisiniñ başı İbrahim Fotisal ve yazıq ki, şu anda rus varvarlarınıñ esirliginde bulunğan Herson şeeriniñ sabıq meri Volodımır Mıkolayenkonıñ yardımınen2015 senesi Herson şeeriniñ merkeziy qısmında Qırımtatar haqlınıñ genotsidiniñ qurbanlarını añma alleyası ğayesi muzakere etildi, qararı azırlandı ve abadanlaştırıldı, – dep Meclisniñ başı Refat Çubarov tefsir etti.