Avropa eyyeti, rfqa qarşı sanktsiyalarnıñ onuncı paketini taqdim etti

16 Fevral 2023

Avropa eyyetiniñ başı Ursula fon der Lâyen, RFqa qarşı sanktsiyalarnıñ onuncı paketini şahsen taqdim etti. Anda elektrik cihazlar içün parçalarnı ve reaktiv köçürciler içün detallerni Rusiyege ketirmege yasaqlandı. Qırım.Aqiqat bunı yazdı.

Fon der Lâyenniñ sözlerine köre, silâ sistemalarınad, şu cümleden uçucısız aletlerde, raketalarda ve helikopterlerde qullanıla bilgen elektrik cihazlar içün 47 parçağa dair ihracnı kontrol etmege teklif etile.

Bundan ğayrı Avropa eyyeti, 11 mlrd yevrolıq ihracnı yasaq etmege teklif ete. Şu cümleden, elektrik cihazlar, mahsus naqliyat, maşnalarnıñ parçaları, yük maşnaları ve reaktiv köçürcilerniñ detalleri kibi mahsullarğa diqqat ayırılacaq.

Avropa eyyetiniñ başı qayd etti ki, AB ilk kere RFna ekili maqsatlı mahsullarnı ketirgen rus olmağan müessiselerge qarşı sanktisyalarnı kirsetecek. Laf, İrandaki yedi teşkilâtlar aqqındadır.

Avropa Birliginiñ onuncı rusqa qarşı sanktsiyalar taketinde “Tinkoff”, “Alfa-bank” ve “Rosbank” rus banklarınıñ faaliyetini sıñırlaycaq.

Kelecek afta Ukrainağa rus tolu miqyaslı tecavuzınıñ seneliginden evel Avropa Birliginiñ onuncı sanktsiyalar paketini tasdıqlamaq niyeti bar.