Qırım müftisi: Biz Ukraina ğalebe qazanacağına qadar küreşmege devam etecekmiz

15 Fevral 2023

Qırım musulmanları diniy idaresi faal etmege ve Ukraina ğalebe qazanacağına qadar rus tecavuzcılarına qarşı küreşmege devam etecek.

Matbuat konferentsiyası vaqtında Qırım müftisi ve Qırım musulmanları diniy idaresiniñ başı Ayder Rustemov bunı bildirdi.

– Tolu miyaslı tecavuzdan soñ vatandaşlarımıznıñ ayatı ise devam ete. Ukrainanıñ qıtaiy qısmında bizim 22 cemaatımız bar, olar öz nizamiy faaliyetini devam eteler. Amma de facto işğal etilgen yerlerde faal etmek imkânsızdır. Amma ibadethaneler, camiler viran etilse de, faal etmege ve soñuna – Ukraina ğalebe qazanacağına qadar ve adalet içün küreşmege devam etecekmiz. Çünki diniy ve ruhiy ayat – birinciden, aqıl ve insanlarnıñ göñülleri içün küreştir, – dep Rustemov ayttı.

Qırım musulmanları diniy idaresiniñ başı qayd etti ki, tolu miqyaslı tecavuz, diniy müessiseniñ faalietine tesir etti.

O aktsent etti ki, diniy diplomatlıq çerçivesinde Qırım musulmanları diniy idaresi, Ukraina içün gumanitar yardımnı çoqlaştırmağa planlaştıra. Şu cümleden, yaqın kelecekte bu işdeşlik yardımınen Herson şeerinde “mobil aşhane” leyhasını başlatmağa planlaştıra. Bundan ğayrı, bu leyha başqa şeerler de kerçekleştirmege planlaştıra.

Ayder Rustemovnıñ sözlerine köre, musulmanlar idaresiniñ USQ içün imamlarnı azırlamaq niyeti bar.

Qırım musulmanları diniy idaresiniñ başınıñ sözlerine köre, rdiniy müessise içün malümat faliyeti de müimdir. Çünki musulman düynasında rus propagandası şiddetli tarzda çalışa.