Er afta Koordinatsiya ştabı, başqa ülkelerge ketken qırımtatarlarnıñ meselelerini muzakere ete

14 Fevral 2023

Er afta Ukrainada koordinatsiya ştabı, vaqtınca işğal etilgen topraqlarnıñ sakinleri, şu cümleden üçünci ülkelerge ketken qırımtatarlarnıñ meselelerini al etmek içün toplana. 

Qırımtatar Milliy Meclisiniñ başı Refat Çubarov Ukrinformnıñ mühabirine tefsir etkende bunı añlattı.

– Er afta koordinatsiya ştabı toplana, ve biz vaqtınca işğal etilgen topraqlardan, şu cümleden Qırımdan kelgen ve üçünvi ülkelerde bulunğan Ukraina vatandaşlarınıñ qanunlarda tesbit etilmegen meselelerini al etemiz. Çeşitli buyruqlarnı baqamız ve mümküm olğan yerlerde vesiqalarnı resmiyleştürv ceryanını qolaylaştıramız, – dep qayd etti.

Çubarovnıñ sözlerine köre, müim bir qarar berildi: Ukrainanıñ konsullıqları, işğal memuriyeteriniñ bergenleri vesiqalar esasında bala doğma aqqında ukrain nümünesindeki şeadetname vesiqalaştıra bilirler.

– İşğal memuriyetlerniñ şeadetnameleri tanımaylar, faqat olarnıñ mündericesini alıp ve başqa tasdıqlanğan vesiqalar esasında ukrain vesiqalaşrını bereler. Bu pek müim bir adım, çünki pasport almaq içün doğna şeadetnamesi kerek, – dep Çubarov qayd etti.

Bundan ğayrı o añlattı ki, şu anda Tükiyede “Dokument” (“Vesiqa”= devlet müessisesiniñ açma meselesi al ete.

– Bu müessise İstanbulda açılmalı. O, Qırım ve başqa vaqtınca işğal etilgen topraqlardan ketken bizim vatandaşlarımızğa Ukrainanıñ muayyen vesiqalarını berecek, ve olarnı almaq içün Ukrainağa ketmek kerekmeycek, – dep Meclisniñ başı añlattı.

Aynı zamanda o qayd etti ki, yol-yoruqqa mücibi, vesiqalarnı almaq içün muayyen vaqıt kerek, şahsiy tarzda bu müddetler qısqartılmay.