Türkiyede ve Suriyede zelzele qurbalarınıñ sayısı 34 biñ kişi oldı

14 Fevral 2023

Kiçik aynıñ 6-sında olğan felâketli zelzele neticesinde Türkiye ve Suriye ülkelerinde ölgenlerniñ sayısı eñ az 34 179 kişidir.

Türkiye fevqulâde vaziyetler idare merkezi (SAKOM) haber berdi ki, Türkiyede ölgenlerniñ sayısı 29 605 kişidir.

Suriyede ölgenlerniñ tasdıqlanğan sayısı 4574 kişidir. Bu sayığa muhalifetniñ kontrol etkeni Suriyeniñ şimaliy-ğarbiy bölgesindeki 3160 ğayıp qoşuldı. Ükümetniñ kontrol etkeni devletniñ bölgelerinde daa 1414 ölüm qayd etildi. Kiçik aynıñ 6-sında gece maalinde Arabistan taşınıñ Şarqiy-Avropa platformasınen çatışması neticesinde Türkiyeniñ cenübiy şarqındaki ve Suriyeniñ şimaliy ğarbındaki 7,8 dereceli zelzele oldı. Aynı kün Türkiyeniñ merkeziy bölgesinde 7,7 dereceli daa bir zelzele oldı.

Zarar körgen şeerlerniñ yüz biñlerce sakini evsiz qaldı, biñlerce bina viran etildi.