Ukraina, Qırımda çalışmaq içün hadimler yedegini azırlaycaq

09 Fevral 2023

Yarımada işğalden azat etilecek tamam soñ insanlarnıñ anda çalışmağa azır olmaları maqsadınen ukrain akimiyeti, Qırım içün hadimler yedegini azırlamağa başlaycaq. Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk bunı bildirdi, dep Qırım.Aqiqat yazdı.

Onıñ sözlerine köre, bugün ihtisaslarnen beraber Qırımnı işğalden azat ve reintegratsiya etüv meseleleri müessiseler arası oturış keçirildi.

– Bizim yarımadamız içün hadimler yedegini azırlamağa endi qarar berdik. İşğalden azat etilecek soñ insanlar çabik çalışmağa azır olmalılar, – dep Vereşçuk qayd etti.

O bildirdi ki, Rostov, Moskva ve Kazan Ukrainağa kerekmey, “amma Qırım bermeycekmiz”.

Keçenlerde ukrain istihbaratınıñ başı Kırılo Budanov bildirdi ki, 2023 senesi baarge qadar Ukraina Silâlı Quevtleri Qırımğa kirecekler. Aynı zamanda onıñ fikrince, yarımada işğalden azat etilse de, rus reberligi özek silâlısını qullanmağa qarar bermeycek.