Suriyedeki ve Türkiyedeki zelzelelerde ölgenlerniñ sayısı endi 9 biñden ziyade kişidir

08 Fevral 2023

Türkieniñ merkeziy ve cenübiy rayonlarında ve Suriyede olğan şiddetli zelezeleler qurbanlarınıñ sayısı artmağa devam ete. Zarar köregen vilâyetlerge prezident Erecep Erdoğan kelmege planlaştırır, dep BBC Ukraina bu aqqında haber berdi.

Türkiyede 6 957 kişi, dep devletniñ fevqulâde vaziyetler agentligi haber berdi.

Suriyede bilgilerni teşkermege zorca, amma KHV ve qurtarıcılar, 2 500 ölgen kişiniñ olğanını dep aytalar.
UNICEFniñ Suriyedeki fevqulâde vaziyetler meseleleri baş mesleatçısı Melinda Yang ayta ki, şu anda devletniñ şimaline yardım ketirmek zordır.

Yang aytta ki, çoq, ayrıca sıñırnı keçüv baş noqtasındaki yol bozuldı. Bu da Türkiyeden Suriyede çalışqan teşkilâtlarğa yardım yollamağa zorlaştırır. Bu rayonda suv teminat sisteması da bozuldı, dep qayd ete.

Recep Tayyip Erdoğan bozulğan Kahramanmaraş ve Hatay rayonlarını ziyaret etmege planlaştırır, dep prezidentniñ ofisi haber berdi. O, Pazarcıkqa, zelzeleniñ tamam ortasına keter.

O, eñ çoq zarar körgen on bölgelerde üç aylıq fevqulâde vaziyet ilân etti. Binalarnıñ viranelikleri astında canlı tapılğan kişiler aqqında beyanatlar kelmege devam eteler.

Hatayda (Türkiye) zelzeleden tahminen 52 saat soñ viran etilgen binadan sekiz yaşındaki oğlan muvafaqiyetnen qurtarıldı.

Ukraina Türkiyege qurtarıcılar taqımını yolladı.
Taqım, deyerli 90 kişiden ve viraneler astında insanlarnı qıdırmağa ögretken 10 qıdırıcı-qurtarıcı köpekten ibaret ola.