Qanunsız olaraq epis etilgen Cemil Ğafarovğa tibbiy teşkerüv keçirmege red eteler

31 Yanvar 2023

Qırımlı musulmanlar davasında 13 senege maküm etilgen qırımtatar Cemil Ğafarofğa tibbit teşkeriv keçirmege red eteler.

Ğafarovnıñ advokatı Emil Qurbediov, “Qırım birdemligi” içtimaiy birleşmesine bu aqqında haber berdi.

– Özüni pek yaramay duyğanını añlata, künde eki kere sağlığı soñ derecede yaramaylaşa; tünevin onıñ qanını talil etmek içün aldılar, amma eki kündir MOTBğa (yanında yerleşiken bina) ketirmeyler. Ayta ki, nasıldır ilâçlar bermege tırışalar, olarnı içmek içün ekimden büyreklerge dair mesleat almaq kerek, olnıñ büyrek kemligi bar, yürek içüb bergenleri ilâç ise büyerklerge tesir ete bilir. Aytqanda turmay bile, – dep Qurbedinov haber berdi.

Camil Ğafarov isr tüşüne ki, onı tedaviylemege niyeti yoq ve rus müstemlekesine etapnı endi bekley.

– Etapnı başımdan keçirip keçirmeycegimni bilmeyim. Meni aylarca nasıl etaplaştıracaqlar? Ketmege pek zor olacaq, – dep “Qırım birdemligi” Ğafarovnıñ tsitatasını ketirdi.

Qara qış ayınıñ (yanvar) 13-ünde qırım advokatlarınıñ uquq qorçalayıcı ofisine atıf eterek “Qırım birdemligi” haber berdi ki, qırımlı musulmanlarnıñ davasında maküm etilgen siyasiy mabüs Cemil Ğafarovnıñ sağlığı “apansızdan yaramaylaştı”.

Epis etilgenniñ apayı Raziye Ğafarovanıñ sözlerine köre, 2017 senesi cinaiy dava açmadan evel miokard infarktını yaşadı. Aynı sene oña büyreklerniñ süzüv bozmasınen hronik büyrek kimligi diagnoz qoydılar. Siyasiy mabüsniñ muntazam büyreklerniñ dializine ihtiyacı bar. Amma SİZOnıñ şartlarında onı keçirmek imkânsızdır. 

Qara qış ayınıñ (yanvar) 11-inde rus makemesi, “qırımlı musulmanlar davası”nda qabaatlanğan qırımtatar Alim Karimov, Seyran Murtaza, Erfan Osmanov, Cemil Ğafarov ve Servet Gazievni 13 senege maküm etti.