İşğalciler, yanvar ayınıñ 25-inde tutulğan qırımtatarlarnı tevqif ettiler

27 Yanvar 2023

Yanvar ayınıñ 25-inde Canköy rayonında tutulğanlarnıñ davasınıñ deñlemesine kelgen qırımtatar faalcileri, 10-16 kün içün tevqif etildi.

Facebookta “Qırım birdemligi”niñ bildirüvlerine köre, advokat Edem Semedlâyev bunı bildirgen, dep Ukrinform haber berdi.

– Memuriy protokollardan “makeme” oldı. Tek birine – ekinci gruppalı saqatlı kişige – 20 biñ rublelik para cezası berildi, başqalarına ise – 10, 13 ve 16 künge memuriy tutuvlarğa maküm etildi. Olarnıñ qabaatı – tek öz halqını, öz vatandaşlarını destek etmege keldiler, – dep ayttı.

“Qırım birdemligi”niñ bilgilerine köre,ü Aqmescitteki Kıyiv rayonı makemesi yanında rus quvetçileri, Canköy rayonından altı qırımtatarnıñ davasını diñlemege kelgen 34 faalcini tuttılar.