Uquq qorçalayıcılar, Avropa makemesine İrına Danılovıçnı tutmağa dair bir şikâyet yolladılar

19 Yanvar 2023

QırımSOS içtimaiy teşkilâtı Avropa insan aqları makemesine (AİAM) içtimaiy jurnalist İrına Danılovıçnı qanunsız tutmağa dair bir şikâyet yolladı.

– QırımSOSnıñ uquqçıları şikâyeni azırlap, Avropa insan aqları makemesine yolladılar. Mezkür şikâyet, içtimaiy jurnalist İrına Danılovıçnı qanunsız tutmağa aittir. O, İnsan aq-uquqlarını qoçalav konventsiyasında ve oña bağlı protokollarda qayd etilgen bir qaç aqnı boza, – dep QırımSOSnıñ İdaresiniñ Başı Oleksiy Tilnenko añlattı.

İnsan aq-uquqlarını qorçalav konvetsiyasınıñ 5. maddesinde qayd etildi ki, er bir insannıñ serbestke ve şahsiy toqunmazlıqqa aqqı bar. Aprel ayınıñ 29-ında Köktöbelden Kefege yolda rus quvetçileri İrına Danılovıçnı alıp tuttılar. Yaqınları, İrınanıñ qayda olğanını 12 kün devamında bilmey ediler. İrına Danılovıçnı tutuvda zornen tutuvnıñ hususiyetleri bar.

2022 senesi dekabr ayınıñ 28-inde böyle degen “Kefe şeeri makemesi” içtimaiy jurnalist İrına Danılovıçqa üküm çıqardı. “Sanki patlayıcı şey saqlaması içün” onı 7 senegeve 50 biñ rublelik para cezasına  maküm etti.