Qırımda Türkiyeni siyasiy mabüslerni deñiştirmege ve azat etmege yardımcı olmağa çağıralar

18 Yanvar 2023

“Qırım ğayesi” içtimaiy birleşmesi türk ombudsmanı Şeref Maloçnı qırım siyasiy mabüsleri ve vaqtınca işğal etilgen Ukrainanıñ topraqlarında tutulğan vatandaşlarnı deñiştirmege ve azat etmege yardımcı olmağa çağıra. 

– Türk ombudsmanınıñ ofisiniñ teklif etkeni üç basamaqlı gumanitar areketler planında bugün kerçekten de reine olğan vatandaşlarnıñ taqdirinen bağlı tedbirler olmalı. İnsqan aqları halqara institutları da, mezkür kişilerni azat etüv işini yapmaq kerekligini destek eterek, cemaat ögünde çıqış yapmalılar, – dep “Qırım ğayesi”niñ vekilleri tüşüneler.

“Qırım ğayesi”niñ hitabında qayd etilgeni kibi, qıymetlendirmelerine köreü tek Aqmescit şeerinde Herson ve Zaporijjâ vilâyetleriniñ 100den 150ge qadar tınç yaşağan sakini buluna. Olarnı hırsızlap, uzun vaqıt devamında apishanelerde tutalar.

Yanvar ayınıñ 16-sında ombudsman Şeref Malkoç haber berdi ki, ziyaret etkeni körüşüvde ukrain obmbudsmanı rus tarafına 800 kişiden ibaret olğan cedvelni, eus ombudsmanı ise ukrain tarafına 200 kişiniñ adlarınen cedvelni berdi. Rus KHV bunı umumen biñ kişige ait ola bilecek deñişüvge azırlıq olaraq adlandırdılar.

Ukraina arbiy esirlernen tutuv meseleleri koordinatsiya ştabınıñ bilgilerine köre, 2022 senesi rus esirliginden 1596 asker ve vatandaş muvafaqiyetnen azat etildi.