İşğalciler Geniçeskten eki qırımtatarnı tutıpaldılar

09 Yanvar 2023

Ukrainanıñ yañı işğal etilgen topraqlarında insanlarnı tutuıp almağa devam eteler. 

Qırım maaliy merkezi bu aqqında haber berdi.

– Yanvar ayınıñ 8-inde Bazar künü işğalciler Geniçeskniñ eki sakini Halil Qurtametov ve ağası Ridvannı tutıp aldılar. Halilni Qırımğa ketirgenleri malümat bar, – beyanatta yazıldı.

Keçenlerde 2022 senesi oktâbr ayında işğal etilgen Qırımnıñ Kıyiv rayonı “makemesi” Halil Qurtametovnıñ oğlu Appaz Qurtametovnı epis etti. Onı, rf cinaiy qanunnamesiniñ 208. maddesiniñ 1. qısmına mücibi terrorcılıq teşkilâtına para bermesi içün qabaatlaylar. Taqiqniñ bilgilerine köre, Appaz tanışına 500 grivna berdi. O, para yollağan soñ tanışınıñ “Qırım Batalyonı”nda iştirak etkenini ögrendi.

– Tutıp aluv, qanunsız tutuvlar, işğal etilgen topraqlarnıñ ealisinen aşalayıcı ve merametsiz areketler – Cenk vaqtında grajdan ealini qoruma aqqında Jenevre şartnamesiniñ 3. ve 34. maddesiniñ ve Vatandaş ve siyasiy aqları aqqında halqara añlaşmanıñ 9. maddesiniñ bozmasıdır, – dep QMM qoştı.

Ukrainadaki tolu miqyaslı cenk vaqtında QMM, eñ az 298 kişi tutqanlarını qayd etti. Olardan 82 kişi – Herson ve Zaporijjâ vilâyetlerinde qırımtatar tamır halqınıñ vekilidir.