Qırımdaki “topraq koridorı” USQniñ ateş sıñırındadır – prezidentniñ QMCdeki vekilligi

06 Yanvar 2023

Yerli taşıyıcılar, Rusiyeniñ işğal etkeni Qırımğa böyle degen topraq koridorını qullanmağa red eteler, çünki o ateş sıñırında buluna.

Fredoom telekanalınıñ canlı yayınında Ukraina prezidentiniñ Qırımdaki daimiy vekiliniñ muavini Denıs Çıstikov bunı bildirdi, nv.ua haber berdi.

Bundan ğayrı o qayd etti ki, vaqtınca işğal etilgen yarımadanıñ toprağında neticeleri endi duyula – yaqarlıq, aşayt mahsulatınıñ fiyatları arta ve v.b.

– USQniñ ücüm areketleri “topraq koridorı”na yaqınlaşa, o endi ateş sıñırında buluna. “Topraq koridorı” vastasınen yaqarlıq, aşayt mahsulatını ketirgen vatandaş taşıyıcıları bu yolnen ketmege red eteler. Bunıñ içün vaqtınca işğal etilgen Qırımnıñ toprağında yaqarlıq, ilâçlar, aşayt mahsulatınıñ fiyatarı arta, – dep Çıstikov añlattı.

O qoştı ki, işğalciler, Qırım köprüniñ işançlı olmağanını ve USQniñ ateş sıñırında buluna bilecegini añlaylar.