İşğalciler qırımtatarlarnı azaplaylar ve yarımadada repressiya etmege devam eteler – Bariev

05 Yanvar 2023

Vaqtınca işğal etilgen Qırımda ruslar yerli ealini ve yañı ücüm etilgen topraqlardan ukrainalılarnı taqip etmege devam eteler. SİZOda aralarında çoq qırımtatar olğan tutulğan vatandaşlarnı azaplaylar.

Qırımtatar Milliy Meclisiniñ uquqiy meseleler ve tış işleri idaresiniñ başı Eskender Bariev 24 Kanalğa bu aqqında ayttı. O qayd etti ki, işğalicler Ukraina bayraqları ve türküleri içün vatandaşlarnı taqip etmege devam eteler.

Ne içün Rusiye Qırımnıñ sakinlerini taqip ete

Bariev añlattı ki, tolu miqyaslı silâlı tecavuznıñ başlanğıcından ruslar qırımtatarlarnı yañı maddeler içün taqip etmege başladılar. Birinciden laf, rus ordusını böyle degen itibardan tüşürüv aqqındadır. Şu cümleden memuriy çoq ceza bar. 

– Aynı zamanda yañı bir madde peyda oldı. Yaki olar Noman Çelebicihan adına bataylonnı terrorcılıq bir teşkilât olaraq tanıdılar, – dep Qırımtatar Milliy Meclisiniñ azası qayd etti.

Onıñ sözlerine köre, işğalcilerniñ Herson ve Zaporijjâ vilâyetleriniñ işğal etilgen topraqlarında ve Qırımda yaşağan faalcilerni taqip etmeleri içün 2022 senesi iyün ayınıñ 1-inde bu oldı.

Bundan ğayrı Bairev qoştı ki, epishaneler ve SİZOda bu maddeler içün 256 kişi tutula, olaradan 113 ise qırımtatar halqınıñ temsilcileridir.

İnsanlarnı kamerada tutalar ve azaplaylar

O qayd etti ki, Qırımnıñ topraqlarında ruslar öz qanunlarını qanunsız olaraq qullanmağa devam eteler. Tecavuzcılar Aqmescit şeerinde daa bir SİZO qurdılar ve Ukrainanıñ yañı işğal etilgen topraqlarından ketirilgen insanlarnı tutqanları böyle kameralarnı azırladılar. Aynı zamanda işğalciler bu insanlarnıñ bilgilerini bermeyler. Yani olar kameralarda bulunalar, azaplanalar, amma olarr aqqında iç bir bilgi yoq. 

Onıñ sözlerine köre, Aqmescitteki SİZOda işğalcilerniñ o qadar azaplağanları ki, adını aytamağan Hersondan ketirilgen bir adam buluna. Bundan ğayrı, yerli izolâtorlarda ne qızdıruv, ne sıcaq suv bar. 2-3 aftada bir kere siyasiy mabüslerni amamğa ketireler, urba çıqarmadan yuvunmaları içün 15 daqqa bereler.

Bundan ğayrı, Bariev qoştı ki, ruslar Ukraina bayraqları ve türküleri içün vatandaşlarnı taqip etmege devam eteler. Şu cümleden, toynıñ ukrain türkülerini yırlağan iştirakçileri ve qavehaneniñ reberlerine para cezası berdiler ve SİZOda tutmağa üküm çıqardılar.