Cebede “qırım kazağı” Volodımır Havrılük öldürildi

03 Yanvar 2023

Cenkte Qırımdan İtibar inqilâbınıñ ve ATOnıñ iştiraki ve Vinnıtsâ şeeriniñ ilk patrulcı olğan Volodımır Havrılük öldürildi. Qadını ve göñülli Yuliya Havrılük öz Facebook saifesinde bu aqqında haber berdi.

Vinzbar haber bergenine köre, 2000 senesinden başlap Volodımır Havrılük Qırımda yaşay edi. “Yevromaydan”da iştirak etti. Yarımada işğal etilgen soñ qıtaviy Ukrainağa köçti. “Altın qapı” batalyonınıñ azası edi, onıñ terkibinde ATOda iştirak etti. Bundan soñ Vinnıtsâ şeerine köçip politsiya patrulcısı oldı. Tolu miqyaslı tecavuznıñ ilk künlerinden USQne qoşuldı. Donetsk vilâyetinde cenkleşe edi. Havrılükniñ eki balası qaldı.