Tiş işleri nazirligi İrına Danılovıçqa çıqarılğan ükümni takbih etti

29 Dekabr 2022

Rus işğalcileriniñ içtimaiy jurnalist, tibbiyetçi İrına Danılovıçqa çıqarğanları üküm – rus diktatorlığınıñ ükümidir. Tış işleri naziriniñ ilk muavini Emine Ceppar Facebook saifesinde bunı bildirdi.

– İnsan aqlarını saqlamaq içün 7 senelik üküm. Bu, içtimaiy jurnalist ve tibbiyetçi İrına Danılovıçqa qarşı daa bir tsinik ükümniñ neticesidir. Rus işğalcileriniñ ükümi, rus diktatorlığınıñ ükümidir. Biz, rusiyeniñ epishanelerde tutqanı başqa qırımlı siyasiy mabüslerni kibi İrına azat etmek içün küreşecekmiz, – dep Ceppar bildirdi.

İrına soñ sözlerini aytqanda “Qırım, yañıdan azat, abadan ve yaşamaq içün mükemmel bir ye olacaq” dep qayd etti. Men eminim ki, bugün biz şuna pek yaqınmız. Tek küç tilini añlaqan rusiye ise em cebede, em de halqara makemelerde cinayetleri içün mıtlaqa ceza alacaq.

Keçenlerde Qırım Muhtar Cumhuriyeti ve Aqyar şeeri prokurorlığı, rusiyeniñ kontrol etkeni Kefe şeer makemesiniñ 7 senelik üküm ve ceza çıqarğanı içtimaiy jurnalist İrına Danılovıçqa ükümni inanılmaz ve manasız olaraq tanıdı.