Türkiye medeniyet ve turizm naziriniñ muavini: ukrainalılar ve qırımtatarlarnıñ ağrısını duyamız

27 Dekabr 2022

Türkiye em ukrainalılar, em qırımtatarlarnıñ ağrısını duya ve cenkniñ eñ yaqın kelecekte bitmesine ümüt ete.

Prezidentniñ QMC daimiy vekili Tamila Taşevanen körüşüv vaqtında Türkiye medeniyet ve turizm naziriniñ muavini Serdar Çam bunı bildirdi.

– Biz em ukrainalılar, em de qırımtatarlarnıñ ağrısını duyamız. Biz cenkniñ eñ yaqın kelecekte bitmesine ümüt etemiz, – dep Serdar Çam qayd etti.

Bunda ğayrı, Çam büyük gumanitar operatsiyalarnıñ faaliyetini idare ete: Türk İşdeşligi ve Koordinatsiya Agentligi (TİKA), Yunus Emre İnstitutı ve Ukrainada çalışqan başqalarını.

Tamila Taşeva Serdar Çamğa Ukrainanı gumanitar ve insaniy destek etmesi içün teşekkür bildirdi. Çünki Ukrainanıñ biñlerce vatandaşı cenkten tamam Türkiyege köçip keldi.