Ruslan Abdurahmanov qorqutmalar, elektrik aqımnen uruvlar ve rus quvetçileriniñ başqa işkencelerini añlattı

26 Dekabr 2022

Herson vilâyetiniñ 31 yaşındaki sakini, «Noman Çelebicihan adına batalyon»da iştiak etmesi içün RF makemesiniñ beş senege maküm etikeni Ruslan Abdurahmanov rus quvetçileriniñ işkencelerini añlattı.

«Qırım uquq qorçalayıcı gruppası» onıñ mektübini yayınladı. Anda yazıldı ki, adam mayıs ayınıñ 22-sinde degil, aprel ayınıñ 18-inde tutuldı. Abdurahmanovnıñ sözlerine köre, o kün Herson vilâyetinde yerleşken Azovske köyündeki evine balaklavalarnı kiygen «DNR» qanunsız silâlı teşkilâtınıñ işaretçiklerinen ve rus bayraqlarınen silânen adamlar zornen kirdiler.

Abdurahmannıñ sözlerine köre, o kün tahminen saat 12de Azovske köyündeki (Geniçesk) evine balaklavalarnı kiygen «DNR» qanunsız silâlı teşkilâtınıñ işaretçiklerinen ve rus bayraqlarınen adamlar zornen kirdiler.

– Eki balası ve qadını ögünde meni urdılar, men tüştim ve olar ayaqlarınen meni urmağa başladılar. Arbiy urba kiygen tahminen 7 adam edi. Bundan soñ başıma qara çöp çuvalını taqıp, skotç vastasınen tiktiler, alıp maşnağa mindirdiler. Birinciden Geniçeskteki 17. PTUğa ketirdiler, – Abdurahmanov yazdı.

Ona köre, bu binada tutulğanlar buluna ediler, anda işkencelernen sorğular keçirildi.

– Meni işkence odasına ketirip, mağazğa tüşürdiler. Bağlanğan qollar ve közlernen köşege oturttılar. Anda ceset qoqusı bar edi. Bundan soñ çeçen aytılışınen üç adam kelip meni tabanğa tüşürgen soñ pıçaqlarnı aldılar ve cinsiy organlarımnı kesecekmiz dep qorqutmağa başladılar. Bundan soñ meni elektrik aqımnen ura ediler. Qorqutalar ki, ailem aynı vaziyette olacaq. Bundan soñ bu odağa baş kişi kirip, ayttı ki, birini öldürdiler ve onı alıp kömmek kerek, – dep Abdurahmanov añlattı.

PTUda yarım kün keçirdi, aqşam maalinde ise «Çonğar» KÇYKne ketirildi ve yañıdan sorğu başladı. Abdurahmannıñ sözlerine köre, bu kere ise olar FSB işçileri olğanlarını ayttılar.

– Sorğuda iç bir şey aytmadım. Anda meni yañıdan ura ve qorquta ediler. Men özümni coydım. Oquyamağanım vesiqalarnı imzaladım, aytqanlarım qayd etildi, – dep haber etti.

Bundan soñ Ruslan Abdurahmanov Aqmescitteki FSB binasına ketirildi.

– Aprel ayınıñ 20-sinde maña taqiqatçı Çumakin A. Y. tayin etilfi. O, meni sualler soradı ve kelecek taqiqat aketeleri keçirdi. Bütün bu vaqıt boyunca men Aqmescitteki 1. SİZOda 179. mahsus bloknıñ kamerasında buluna edim. Maña aşamağa, içmege, yuqlamağa bermediler. Tek bazıda açlıqtan suvsamadan ölmemem içün, – Abdurahmanov yazdı.

KPH hatırlattı ki, mayıs ayınıñ 22-sinde Herson vilâyetiniñ Geniçesk rayonındaki Azovske köyünde Rus gvardiyasınıñ arbiy askerleri qamaçalav azırladılar. O vaqıt işğalciler, Azovskeniñ sakini Ruslan Yusupovıç Abdurahmanovnı (1991 s. fevral ayınıñ 12-sinde doğdı) tutıp, işğal etilgen Qırımğa ketirdiler. İlk malümatqa köre, Asker içtimaiy teşkilâtında ve Qırmnıñ içtimaiy bloklaştıruvında iştirak etmesi içün qabaatlaylar ve Aqmesvcitteki SİZOda tuta ediler.

Sentâbr ayınıñ 2-sinde Aqmescit şeeri işğal Kıyiv rayon makemesi Abdurahmanovnı beş senege maküm etti. Dekabr ayında Ruslan Abdurahmanov Aqmescitteki SİZOda yaramay şartlarda buluna edi. Ondan ğayrı kamerada daa dört kişi buluna edi: yedi kün devamında er keske yataqqa oturmağa yasaq ettiler. Er kün kameranı tinttiler.