Qırımda işğaciler tutulğan ukrainalılarnı gizleyler

22 Dekabr 2022

Rusiye, Ukrainanıñ işğal etilgen topraqlarında tutulğan vatandaşlarnı terorrcılıqqa qabaatlana, Qırımğa ve RF topraqlarına ketire. Umumen Qırımda keçenlerde tutulğan 50den 100ge Ukraina vatandaşı tutula bilir.

İnsan aqları media teşebbüsiniñ vesiqacısı Anastasiya Panteleyeva Fokuska bu aqqında haber berdi.

RFnıñ Herson, Zaporijjâ ve Mıkolayiv vilâyetlerini işğaliniñ başlanğıcından berli tecavuzcı bir devlet faalcilerni ve jurnalistlerni, sabıq askerlerni ve yerli akimiyet organlarınıñ vekillerini tutıp tevqif etmege başladı. Birinciden işğal etilgen topraqlarda çoqusını tuta edi, bundan soñ işğal etilgen Qırımğa olarnı ketirmege başladı.

Misal içün, birinciden Hola Prıstan şeeriniñ meri Oleksandr Babıç Aqmescitteki 1. SİZOğa tevqif etildi, birazdan soñ 2. SİZOğa ketirildi. Kerçekten de Aqmescitte ekinci SİZO yoq edi, – dep Panteleyeva qayd etti.

İşlegen izolâtor yanında asğariy müddetni alğan kişiler içün bir bina yerleşe.

– Kerçekte de bu bir müessise, amma böyle degen “mahsus arbiy operatsiya” vaqtında tutulğanlarnı tevqif etmek içün bu binanıñ qısmını boşaldı. Anda bulunğan kişilerniñ ne dünyanen alâqası, ne de advokatlarına irişimi bar. Rusiye, olarnı tutqanını tasdıq etti. Olarnı gizleyler, – dep İnsan aqları media teşebbüsiniñ vesiqacısı ayttı.

Umumen uquq qorçalayıcılarnıñ bilgilerine köre, Qırımda 50den 100ge qadar keçenlerde tutulğan Ukraina vatandaşı buluna bilir.