Nariman Celâl: rus cemaatı yalan hastaslığını çeke

21 Dekabr 2022

Qırımda rus makemesiniñ 17 senege maküm etkeni Meclsiniñ başınıñ ilk muavini Nariman Celâl, işğal etilgen Qırımdaki rfnıñ makeme sisteması yalan ayta dep, onı takbih etti. Dekabr ayınıñ 16-sındaki mektüpte şunları yazıldı, Qırım.Aqiqat haber berdi.

– Yalan, yalan, yalan. Er bir yerde. Büyük ve kiçik şeylerde. Onıñ tamamınen olmamalı olğanı yerlerde de bar. 18.02.22 senesi olğan keçken makeme diñlemesiniñ protokolını oquğanda Ukraina CUQniñ 54. maddesine mucibi, oqunğan aqlar ve mecburiyetlerden soñ makemede Zinkov makemeciniñ «er şey añlayışlımı» sualine şunları cevap berdim: «Ebet, sayğılı makemeci, ilâve añlatmalar kerekmey. Elliden ziyade farqlı makeme oturışından soñ men iç bir vaqıt «saylığı» sözüni aytmadım. Añlı ve inandırıcı tarzda. Zenaatdaşlarınıñki kibi Zenkov makemeci sayğılı olmay. Qırım makemecileri, rus repressiya akimiyet sistemasınıñ ilâvesini olmağa razı olıp, mustaqil makeme akimiyetiniñ vekilleri olmağa bitirdiler, – Celâlnıñ mektübinde yazıldı.

O qayd etti ki, rus cemaatı «yalan hastaslığını çeke».

– Onı tamamınen sarıp aldı. Dayanmaq, hastalanmamaq içün çoq ruh ğayreti kerek. Ve er adiy bir insan öz ve yaqınlarınıñ ruhiy sağlığına küreşmege mecbur qaldı. Ve bu küreş işğalniñ endi doquzıncı senesi devam ete. Hastalıqnıñ menbası yoq olacaq soñ da bütün normal kişilerniñ sağlıqlı cemaatta uzun devamlı reabilitatsiyağa ihtiyacı olacaq. Amma bazıları tedaviylenmeycektir, – dep Celâl qoştı.