Biz azırlanamız – Zelenskıy Qırımnı işğalden azaz etüv aqqında

21 Dekabr 2022

Ukraina Prezidenti Volodımır Zelenskıy tasdıqladı ki, Silâlı Quvetleri Qırımnı işğalden azat etmege planlaştıralar. O, bunıñ cküreşniñ zor olacağını bildirdi.

«Amma biz azırlanamız», – dep ukrain lideri ayttı. TF1 telekanalına intervyü bergende prezident, Rusiyeniñ zapt etkeni yarımadanı işğalden azat etüv aqqında fikirlerini bildirdi, ASPINews haber berdi.
Devletniñ başı qayd etti ki, ukrain cemaatı bu meselede beraberdir. Zelenskıynıñ bilidirgenine köre, Qırımnı qaytaruv operatsiyası «kerçekten de alâ daa başlamadı».

– Olacağı vaqıt bunı eşiteceksiñiz. Amma men umutlu etem ki, fikirlerde bu operatsiya endi başladı, bizim azimkârlığımız ve ıntılışımız endi mevcuttır, – dep ukrain lideri ayttı.

O qayd etti ki, devletniñ cemiyet fikrinde qırımtatar yarımadasını işğalcilerden azat etmek kerekligine dair birdemligi bar.

– Buna azırlanmaq, küreşniñ zor olacağını, kimseniñ serbest qaldırmaycağını añlamaq kerekmiz. Amma bir azirmkârlıqnen tolumız, – dep Zelenskıy ayttı.