Qırımda FSB tutulğan ukrain faalcisini teşkere

08 Dekabr 2022

Herson vilâyetindeki Nova Kahovkadan kelgen jurnalist, yazar ve faalcı, “Kahovskıy platsdarm” CTnıñ reberi Serhiy Tsıpihanı Aqmescitteki yañı SİZOğa ketirdiler. Qırım uquq qorçalayıcı gruppası bu aqqında haber berdi.

Aynı zamanda Serhiy Tsıpihanıñ advokatı malümat soratmasını yapıp, FSB cevap berdi ki, o “ayatına ve sağlığına telüke astına ketirmegen şartlarda bulunır”.

Mektüpte yazıldı ki, FSB “SVO keçirgende RFnıñ telükesine zarar ketire bilgen areketler aqqında malümat teşkere”.

Belli ki, Serhiy Tsıpiha – Herson vilâyetindeki Nova Kahovkadan kelgen cemiyet faalcisi, “Kahovskıy platsdarm” CTnıñ reberi, cemiyet jurnalistidir. Mart ayınıñ 12-sinde apayınıñ anasına ilâç bermek içün Tavriyskke ketken, o yolda onen alâqa coyuldı.

Mart ayınıñ 13-ünde tutulğan jurnalist Oleh Baturin azat etilgen soñ añlattı ki, Herson vilâyet devlet memuriyetinde tutulğanı vaqıt Sehiy Tsıpihanıñ soy adını ve sorğular içün yanındaki odadan kelgen sesini eşitti. “Zmina” insan aqları merkeziniñ bilgilerine köre, sentâbr ayınıñ başlanğıcından Serhiy Tsıpiha Qırımda tutulır.

Tek oktâbr ayında belli oldı ki, Serhiy Tsıpiha Aqmescitteki №1 SİZOda tutulır.