Rf makemesi Mustafa Cemilevniñ ükmüniñ aqiqatlığını destek etti – advokat

01 Dekabr 2022

Krasnodar (rusiye) makemesi, qırımtatar halqınıñ lideri Mustafa Cemilevge qarşı ükümni deñiştirmedi, qorçalayıcı taraf ükümge itiraz bildirecek.

Ukrinformnıñ haber bergenine köre, advokat Mıkola Polozov bunı Facebookta bildirdi.

– Krasnodardaki umumiy uquqçılıq dörtünci kasatsiya makemesi, Mustafa Cemilevge qarşı sahte ükümniñ aqiqatlığını destek etti, – dep yazdı.

Polozovnıñ sözlerine köre, böylece halqara müessiselerge şikâyetname bermek içün ceryan maniaları yoq etildi.

– Kasatsiya müessisesiniñ makeme qararınıñ metni alğan soñ qorçalayıcı taraf ükümge itiraz ceryanını başlatacaq, – dep advokat qoştı.

Bildirildi ki, Cemilev rf cinaiy qanunnamesiniñ 322. maddesiniñ (“sıñırnı qanunsız olaraq keçüv”) 3. qısmı, 222. maddesiniñ (“silânı qanunsız olaraq aluv, berüv, satın aluv, saqlanuv, ketirüv ya da yanında tutuv”) 1. qısmı, 224. maddesi (“ateş silâsını uymağan saqlanuv”) içün maküm etildi.

Aprel ayında qırım “makeme”si, qırımtatar halqınıñ lideri Mustafa Cemilevge qarşı üküm çıqardı. O qabaatlı olaraq tanındı, amma “reabilitatsiya olmağan sebeplerden” cezadan azat etildi. Rusiye prkurorlığı bu qararnen razı olmadı.

Mayıs ayında “Qırım yuqarı makemesi” Mustafa Cemilevni üç senelik serbestten marum etmege ve para cezasına cezalandırıldı.