Yırcı Jamala Volodımır Zelenskıynen körüşti

30 Noyabr 2022

Medeniy cebe, Ukrainanıñ küreşiniñ ayrılmaz bir qısmıdır. Qırımtatar yırcısı Jamala öz Facebook saifsinde bunı yazdı. O añlattı ki, AQŞna ketmeden evel Prezident Volodımır Zelenskıynen körüşti.

– Daa bir kere añladım ki, medeniy cebe, Ukrainanıñ küreşiniñ ayrılmaz bir qısmıdır. Bizim ğalebe qazanacağımızğa ve bütün topraqlarımıznı qaytaracağımızğa qadar cenk aqqında hatırlatacağım. Bu tür körüşüvler, Qırım ve devletimizniñ er bir parçası içün küreşmege quvet bereler. Biz aqiqatnı isbatlaycaqmız, epimizniñ aynı maqsadı bar, birlikte ğalebege ıntılamız. Amerika Qoşma Ştatlarında bizim aqqımızda aytacağım ve yırlaycağım, – dep Jamala haber berdi.

Aynı zamanda devletniñ başı Facebookta yazdı ki, bu qış keçirmek müim, amma Ukrainanı destek etken liderlerden biri olğan AQŞnıñ yardımı olmasa edi (oña alâ daa ihtiyac duyamız), pek qıyın olur edi.