Ukraina, işğalden azat etilgen Qırımdan bütün ruslarnı sürgün etmege azır – Taşeva

29 Noyabr 2022

Ukrain reberligi, Qırımnı işğalden azat etilecek soñ yarımadadan rusiyeniñ bütün vatandaşlarını çıqaruv imkânını tüşüne. Ukraina prezidentiniñ Qırımdaki daimiy vekili Tamila Taşeva bunı añlattı, dep Depo.ua bu aqqında haber berdi.

– Şu anda Qırım ve Aqyar şeeriniñ işğal etilgen topraqlarında bulunpan rf vatandaşlarınıñ taqdir meselesi, birinciden telükesizlik meselesi ve kelecekte rfnıñ tecavuzınıñ qaytmama garantiyalarından biridir, – dep qayd etti.

Taşeva bildirdi ki, ukrain qanunlarına mücibi, 2014 senesinden soñ işğal etilgen yarımadağa ukrain KÇYQ ya da olar vastasınen, amma bulunma müddetini bozğan ve kelgen bütün ecnebiyler Qırımnıñ topraqlarında qanunsız olaraq yaşaylar.

– Qarar qolay ve halqara uquqnı bozmay: yarımadanıñ topraqlarına qanunsız olaraq kelgen eali, ya göñülli ya da mecburiy olaraq Qırım Muhtar Cumhuriyeti ve Aqyar şeerinden çıqmamalılar, – dep Taşeva qayd etti.

Onıñ sözlerine köre, ukrain qanunlarıi, ecnebiyler ve vatandaşsız kişilerniñ zornen çıqaruv imkânını esapqa alır ve maqbul qanunnıñ esasında rusiyeniñ vatandaşlarınıñ Qırımdan çıqmaları içün bir usul azırlanır.

Taşeva qayd etti ki, er bir dava şahsiy olaraq baqılır.