İşğalciler qırımlılarnı rus ordusına yardım etmege mecbur eteler

09 Noyabr 2022

Qırım işğal memuriyetleri, yarımadanıñ sakinlerini rusiyeniñ ordusına maliyeviy yardım etmege mecbur eteler.

Ukraina Prezidentiniñ Qırım MCdeki daimiy vekili Tamila Taşeva bunı bildirdii, dep Ukrinform haber berdi.

– Saip olğanımız bilgilerge köre Qırım işğal memuriyetleri, yarımadanıñ sakinlerini rus ordusına maliyeviy yardım etmege mecbur eteler. Şu cümleden, biz bilemiz ki, “Artek” kompleksiniñ işçileri bir künlik maaşını cenkniñ ihtiyaclarına yollav arizasını yazdırıldı. Bu tür arizanı yazmağanlar işten çıqarıldılar, – dep Taşeva añlattı.

Prezidentniñ vekilligi, Aqyar şeerinde yerleşken rfnıñ 810. taqımınıñ yerli “adovaktlıq”qa kerekli eşyalarnı almaq ricasınen hitabı aqqında vesiqağa saip ola.

Taşeva qoştı ki, rusiye kontraktçılar ve mobilizatsiya etilgenlerni qış urbasınen temin etemey.