Meclisniñ vekilleriniñ Türkiye parlamentiniñ başınen körüşüvi

09 Noyabr 2022

Türkiye parlamnetiniñ başı Mustafa Şentopnen körüşüv vaqtında Qırımtatar Milliy Meclisiniñ vekilleri, siyasiy mabüslerni azat etmek maqsadınen rusiyege halqara tesirni quvetleştirüv meselelerini muzakere ettiler. 

Türkiye parlamentiniñ başı Mustafa Şentop, Qırımtatar Milliy Meclisiniñ Refat Çubarov, Meclisniñ başınıñ muavini İlmi Umerovdan ibaret olğan vekillerini ve Türkiyedeki qırımtatarlarnıñ medeniyet ve birdemlik teşkilâtları assotsiatsiyasınıñ başı Mukremin Şaginni qabul etti.

– Körüşüv vaqtında ⅔-si qırımtatarlar olğan siyasiy mabüslerni azat etmek maqsadınen rusiyege halqara tesirni quvetleştirmek içün imkânlarnı qıdıruv ceryanına diqqat celp etildi, – dep Çebarov qayd etti.

Onıñ sözlerine köre taraflar, mecburiy mobilizatsiyadan qaçınmaq maqsadınen yarımadadan çıqqan Qırımnıñ sakinleri olğan ve rfnıñ tolu miqyaslı tecavucı neticesinde Türkiyege köçip kelgen Ukraina vatandaşlarını destek meselesini muzakere ettiler.

Bundan ğayrı, Çubarovğa köre, vaqtınca işğal etigen Qırımda insan aqlarınıñ ve tamır olğan qırımtatar halqınıñ vaziyetlerinen bağlı meseleler de eşitildi.