İşğalciler, Cenübiy Qırım kanalından endi 410 million kub suvnı hırsızladılar

01 Noyabr 2022

Devlet ekologiya teftişi Telegramda bu aqqında haber berdi.

– İşğalcilerniñ Kahovka suv anbarınıñ dambasını bozğanları içün Cenübiy Qırım kanalı vastasınen Qırımğa deyerli 15,5 mlrd grivnalıq 410 mln m3 suv aqtı, – dep beyanatta yazıldı.

2022 senesi fevral ayınıñ 24-ünde, yani tolu miqyaslı tecavuznıñ ilk künü rus orduları, Herson vilâyetinde yerleşken Cenübiy Qırım kanalınıñ bütün suv-tehnikiy binalarını zapt ettiler. İşğalciler, Qırımğa suv teminatını yañıdan doğurmaq içün bu obyektlarnı kontrol aldılar.

Böylece, fevral ayınıñ 27-sinde duşman damba, maşna köprü ve kanalnıñ baş bölme binasını bozdılar. Neticesinde Cenübiy Qırım kanalı vastasınen Kahovka suv anbarından suv kontrolsız olaraq aqtı.