İşğal etilgen Qırımda rus arbiy tehnikasınıñ taşınması arttı

27 Oktâbr 2022

Qırımda rus arbiy tehnikasınıñ “Tavrida” qara yolunen taşınması arttı. Qırım.Aqiqat bu aqqında haber berdi.

Arbiy tehnikanıñ çoqusı qıtaviy Ukrainanıñ yönelişine areket ete, amma Keriçke ketkenler de bar.

Neşirniñ bilgilerine köre, çoqusı allarda arbiy yük maşnaları ve benzin berici maşnalar aqqında laf ola.

“Tavrida” qara yolundaki maşna yollarında Keriç ve (Baherove şşq ve doquzıncı kilometrdeki arbiy qısımğa yönelişte) kirişlerge yönelişlerine banerler peyda oldı. Anda yazıldı ki, tek yengil maşnalar Keriç köprünen ketmek mümkün. Keçenlerde Rusiye Naqliyat nazirligi bildirdi ki, dekabr ayınıñ 1-ine qadar Keriç (Qırım) köprüniñ maşna parçasında yük maşnalarnıñ ketmeleri yasaqlanacaqtır.