Nuzet Umerov – Ukrainanıñ munasip jurnalisti, yazıcısı ve tercimanı vefat etti

27 Oktâbr 2022

Qırımda Ukrainanıñ munasip jurnalisti, bala yazıcısı ve tercimanı Nuzet Umerov vefat etti. Crimean Tatars Club bu aqqında haber berdi. 

– Nuzet Umerov adlı yazıcı, terciman ve jurnalist vefat etti. O, qırımtatar edebiyatınıñ fenomeni edi. Şiveleriniñ bütün bayalığını qullanaraq em rus, em de qırımtatar tillerinde istidatlı olaraq yaza edi, – dep beyanatta yazıldı.

Nuzet Umerov Aqmescit şeerinde 1931 senesi noyabr ayınıñ 13-ünde doğdı. 1944 senesi mayıs ayında ailesinen o, Özbekistanğa sürgün etildi. 1992 senesi Qırımğa qayttı.

1984 senesinden 2006 senesine qadar eñ eski qırımtatar “Yañı dünya” gazetasınıñ muarriri edi. Cenkten soñ ilk qırımtatar “Elifbe” elifbe kitabınıñ yaratılmasında iştirak etti. Masallar, bala şiirleri, poemalar, destanlar, ikâyeler, pyesalar, şaqalarnı yaza edi. Qazak, özbek, tatar ve başqa tillerinden tercime ete edi. Ukraina yazıcılarınıñ birliginiñ, Qırım edebiy akademiyasınıñ akademiki, Ukrainanıñ munasip jurnalisti edi.

Allah rahmet eylesin