Zelenskıy Qırım platformasında: Qırımğa Ukrainanen beraber AB kelecek

25 Oktâbr 2022

Ukrainanıñ topraq bütünligini ve Qırımnı kontrol etmesini yañıdan tikelese, o yerge Avropa Birliginiñ kelir, bazar inkişaf eter ve yatırımlar celp etilir, adalet ve normallıq keri qaytılır.

Qırım platformasınıñ ilk parlament sammitinde online şeklinde çıqış yapqanda Prezident Volodımır Zelenskıy bunı bildirdi, dep Ukrinform haber berdi.

– Bu işğalniñ çoq senesinden soñ Qırımnı reintegratsiya etmek zor olacaq, amma işdeşligimiz yardımınen bunı temin ete bilirmiz. Biz vaziyetni tamamınen deñiştirecekmiz. Ukrain bayrağınıñ Qırımğa qaytırıluvı – bütün avropalılar içün normallıqnıñ qaytması, er bir devletiñizde mevcut olğan bir şeyniñ – telükesizlik normallığınıñ qaytması, iqtisadiy, uquqiy, içtimaiy, medeniy normallığınıñ qaytmasıdır. Ukrain bayrağınıñ qaytması – sözlerniñ bütün manasında Avropa Birliginiñ yarımadağa kelmesidir, – dep Zelenskıy qayd etti.