İşğalciler, Herson vilâyetiniñ tahliye etilgen sakinleriniñ evlerini zapt eteler

24 Oktâbr 2022

Herson vilâyetiniñ işğal etilgen topraqlarındaki Novooleksiyivka qasabasında rus işğalcileri, ukrain akimiyetiniñ kontrol etkeni topraqlarğa tahliye etken sakinlerniñ evlerini zapt eteler. Qırımtatar Milliy Meclisiniñ başı Refat Çubarov bu aqqında haber berdi.

– Herson vilâyetiniñ Ğeniç rayonınıñ Hovooleksiyivka qasabasında rus tecavuzcıları, qasabanıñ Ukraina Ükümetiniñ kontrol etkeni topraqlarğa tahliye etken sakinleriniñ evlerini şiddetli olaraq zapt eteler. Evleriniñ qanuniy saipleri çıqar çıqmaz, raşistler anda qışlanı yapalar, onlarca sene devamında ösken azbarlardaki bağçalarnı ve bağlarnı kesip yoq eteler, – dep Çubarov qayd etti.