Menu 
Fikir serbestligi: Zelenskıynıñ başlığınen ukrain halqına Saharov adına mukâfat berildi
20 Oktâbr 2022
Bu sene prezident Volodımır Zelenskıynıñ başlığınen ukrain halqı, Andriy Saharov adına “Fikir serbestligi içün” mukâfatını aldı. Avropa Parlamentiniñ matbuat merkezi bu aqqında haber berdi.
Qayd etildi ki, Strasburh şeeriniñ umumiy toplaşuv zalında Avropa Parlamentiniñ başı Roberta Metsola 2022 senesiniñ mukâfatnı qazağannı bildirdi.
– Bu mukâfat – toprağında cenkleşken ukrainalılar içün. Qaçmağa mecbur qalğanlar içün. Yaqınları ve aqrabalarını coyğanlar içün. İnanğanlarına küreşkenler ve turqanlar içün. Men bilem ki, Ukrainanıñ cesür halqı teslim olmaycaq, ve biz de teslim olmaycaqmız, – dep Metsola ayttı.
Video muracaatında Zelenskıy teşekkür bildirdi ki, bu sene tamam ukrain halqı, Avropa Parlamentiniñ mahsus tanımasını – Saharov adına mukâfatnı qazandı.
