Qırımda tintüvlerden soñ sabıq siyasiy mabüs Asan Çapuhnıñ apayı tutuldı

14 Oktâbr 2022

Rus quvetçileri Qırımdaki vaqtınca işğal etilgen Koreyizde bulunğan sabıq siyasiy mabüs Asan Çapuhnıñ evini tinttiler. Onıñ apayı Asiye Çapuh tutuldı. Yerli faalcilerge atıf eterek Krımska solidarnist haber berdi.

Oktâbr ayınıñ 14-ündeki tintüvlerden soñ işğalciler Asiyeni Alupkadaki politsiya bölügine maşnanen ketirildi.

Beyanatta yazıldı ki, RF MQnıñ 20.3.3. maddesi (Rusiye Federatsiyasınıñ Sili Quvetlerini qullanuvnı itibardan tüşürüvge yönelişke halq ögünde areketler) içün qadınğa qarşı eki mamuriy dava açıldı.

Asan Çapuh “Veciye Kaşka” davasında iştirak etti ve 15 ay boyunca Aqmescit taqiqçi izolâtorında tutula edi, amma bundan soñ o ve davanıñ başqa iştirakçileri – maküm vaqtınıñ soñuna qadar ev tutulıvına yollandı.