Gürcistan, Qırım köpründeki patlamağa ait olğanını red ete

12 Oktâbr 2022

Gürcistan iç işler naziri Aleksandr Darahvelidze, rusiyeniñ keçken afta Qırım köpründeki patlamada gürci vatandaşlarınıñ iştirakinen bağlı bir iddiasını red etti.

“Yevropeyska pravda”, “Gruziya Online“ge atıf eterek bu aqqında haber berdi.

Darahvelidzeniñ sözlerine köre, Gücistannıñ bu meselege bir alâqası olmay.

– Gürcistanda tranzit ve tranzit olmağan yükler gümrük kontrolını keçeler, ve şübeli bir şey tapılmadı, – dep Gürcistan İİNniñ başı bildirdi.

Keçenlerde rusiye telükesizlik federal hızmeti qayd etti ki, Qırım köpründeki patlamanıñ azırlanmasında Gürcistannıñ eki vatandaşı, Sandro İnosaridze ve Levan adlı broker iştirak etti.

Rus mahsus hızmetiniñ fikrine köre, köpürni patlağan bobma, qurucılıq polietilen zarnen sarılıp gizlendi. Avgust ayınıñ başlanğıcında bu, Poti adlı gürci limanınden Ermenistanğa sanki ketirildi.