Qırım köprüniñ patlaması cenkni nasıl deñiştirecek – mütehassıslar

10 Oktâbr 2022

Mütehassıslarnıñ fikirlerine köre, Qırım köprüsindeki patlama neticesinde yanğın, rus ordusınıñ cenübiy cebedege ketmelerini ciddiy tarzda zorlaştıracaq. Bu, tesir ceetinden Ukrainanıñ müim bir ğalebesi, dep Ukraina BBC News haber bere.

Oktâbr ayınıñ 8-inde Keriç boğazından demir yol köpründe patlama oldı, bunıñ neticesinde avtomobil köprüniñ qısmı bozuldı. Köpürden avtomobil ve tren aqımları vaqtınca toqtatıldı.

Eñ az oktâbr ayınıñ soñuna qadar köpürden askerlerniñ ve tehnikanıñ ketmeleri toqtatılır, dep ukrain arbiy mütehassısı ve arbiy ilimler namzeti Ihor Romanenko tüşüne.

Onıñ sözlerine köre, bu tamam vaqtında oldı, çünki soñ afta boyunca Herson yönelişinde arbiy areketler faalleştirildi. Ve tamam Qırımda Keriç köpründen Rusiye askerleriniñ ve silâsınıñ esas qısmını ketire edi.

Oña köre, köpürge darbe em de Rusiyeniñ ukrain quvetleri sebeinden keri qaytqanı Şarqqa rus ordusınıñ ketirilmesine de qısmen tesir eter.

Şimdiki vaqia, Qırımnı qısqa vaqıt içinde qaytaruvğa dair planın qısmı ola bilir, dep nufuzlı arbiy mütehassıs ve Avstraliya ordusınıñ generalı Mik Rayan tüşüne.

Ukraina buña aitmi

Rus akimiyeti, Ukrain ordusınıñ köpürniñ patlanmasına ait olğanını tüşündi. Ukraina bu versiyanı resmi olaraq tefsir etmedi, faqat tefsirlerde buña imalar çoq.

Analitikacılarnıñ fikirlerine köre, august ayında Qırımdaki Saq avalimanındaki patlamalardan soñ olğanı kibi buña ait olğanını resmiy olaraq bir daqqa tanımaycaq. Faqat, mütehassıslarnıñ çoqusı razı ola ki, ukrain mahsus hızmetçileri köpürni patlattılar.