rusiye qırımtaralarnı yoq etmege añlı tarzda tırışa – Zelenskıy

26 Sentâbr 2022

Prezident Volodımır Zelenskıy, rusiyeniñ vaqtınca işğal etilgen Qırımda qırımtatarlarnıñ kompaktlı yaşağanları yerlerdeki erkeklerni mobilizatsiya etmege tırışqanını bildirdi.

– Şimdi Qırımda qırımlılarnıñ komapktlı yaşağanları yerlerde mümkün olğan çoq erkekni tapıp mobilizatsiya etmege tırışalar. Bunıñ delillerine endi saip olamız. Bu, rusiyeniñ qırımtatar halqını yoq etmege añlı ıntıluvı; tecavuzcı bir devletniñ, rus ordusınıñ kirgeni topraqlarnıñ sakinleriniñ mümkün olğance çoqusınıñ ayatını almağa ıntıluvıdır, – dep Zelenskıy ayttı.

Prezident, işğal etilgen topraqlarnıñ sakinlerini mümküm olğan bütün vastalarnen Ukrainağa qarşı cenktte iştiraktan qaçınmağa işğalden çıqmağa tırışmağa çağırdı.

– Vaqtınca işğal etilgen topraqlarda bulunğan bütün bizim insanlarımızğa adiy bir ricam bar: eñ müim şey yapıñız – ayatıñıznı saqlañız ve işğalcilerni zayıflaştırmağa ve yoq etmege yardım etiñiz. Rus mobilizatsiyasından epsi bir vastanen qaçıñız. Mobilizatsiya malümatnamelerinden qaçıñız. Ukrainanıñ serbest topraqlarına ketmege tırışıñız. Amma rus ordusına qabul etilgen olsañız, duşmannıñ er bir faaliyetini bozuñız, er bir rus operatsiyasına keder etiñiz, işğalcilerge dair bütün kerekli malümatnı (olarnıñ bazaları, şatbları, silânen yedekler) bizge beriñiz. Fırsatıñız olsa, bizim mevamlarımızğa keliñiz. Ayatıñıznı saqlamaq ve Ukrainanı azat etmege yardımcı olmaq içün er şey yapıñız, – dep Zelenskıy ayttı.